प्रदेशहब संवादाता
सरकार राजस्व लक्ष्य भेट्टाउन कडाइका साथ वक्यौता राजस्व उठाउनतर्फ लागेको छ । विभिन्न जिल्लाका आन्तरिक राजस्व कार्यालयले धमाधम सार्वजनिक सूचना नै प्रकाशित गरेर राजस्व तिर्न अटेर गर्नेलाई १५ दिनको म्याद दिँदै वक्यौता राजस्व तिर्न आह्वान गरेको छ ।
यसै शिलशिलामा आन्तरिक राजस्व कार्यालय धनगढीले पनि कर नतिर्ने २ सय १२ जना उद्योगी व्यवसायीको नाम सार्वजनिक गरेको छ ।
उनीहरुलाई १५ दिनभित्र बाँकी रहेको राजस्व तिर्न ताकेता गरेको छ । १५ दिनभित्र बक्यौता कर नतिरे कारबाहीमा उत्रने चेतावनी समेत राजस्व कार्यालयले दिएको छ ।
कर तिर्न आनाकानी गर्नेमा कलेज देखि लिएर इटा उद्योग, विभिन्न निर्माण कम्पनी, आयल स्टोर लगायत २ सय १२ उद्योगी तथा व्यवसायी रहेका छन् ।
