प्रदेशहब संवादाता
धादिङ असोज २१ ।
धादिङको गजुरी गाउँपालिका स्थित गजुरी बजार नजीकै पृथ्वी लोक मार्गमा कार र मोटर साईकल एकआपसमा ठक्कर खाँदा गजुरीको उप प्रमुख सिता ढुङ्गाना सहित ६ जना घाईते भएका छन् ।
काठमाडौंबाट गजुरी तर्फ आउँदै गरेको बा १३ च ४४९१ नम्बरको कार र विपरित दिशाबाट जाँदै गरेको ना ४३ च ८२८९ नम्बरको मोटरसाईकल मंगलबार दिउँसो ३ः४० बजे एक आपसमा ठोकिँदा उप प्रमुख सिता ढुङ्गाना सहित ६ जना घाईते भएका हुन् ।
घाईते हुनेहरुमा उप प्रमुख सिता ढुङ्गानाको श्रीमान् (कार चालक) सिद्धलेक निवासी नवराज अर्याल, आमा सिद्धलेक निवासी भगवती अर्याल, मोटरसाईकल चालक चितवन भरतपुर १ निवासी रामकुमार खनाल र उनको श्रीमती अनिता खनाल र उनको १२ वर्षिय छोरी अम्बिका खनाल रहेका छन् ।
मोटरसाई चालकको अवस्था मध्यम खालको रहेको र अन्य घाईतेहरुको अवस्था सामान्य रहेको जिल्ला प्रहरी कार्यालय धादिङको सुचना शाखाले जनाएको छ ।
घाईतेहरुलाई गजुरी सामुदायीक अस्पतालमा सामान्य उपचार गराई ट्रमा सेन्टर काठमाडौ लगिएको छ ।
© धादिङ पोस्ट बाट
