प्रदेशहब संवादाताकाठमाडौँ । मंगलबार दिउँसो १ बजे बसेको प्रतिनिधिसभा बैठकमा ‘विनियोजन विधेयक २०७८’ पारित भएको छ । नेकपा एमालेको सांसदहरूले विरोध प्रदर्शन गर्दै गर्दा बहुमतले विधेयक पारित भएको हो ।
बैठकमा अर्थमन्त्री जनादर्न शर्माले ‘विनियोजन विधेयक २०७८’ पेश गरेका थिए । उनले पेश गरेको विधेयक बहुमतले पारित गरेको हो ।
यस्तै, बैठकले पूर्व सांसद रुक्म शमशेर जबराप्रति शोक प्रस्ताव पारित गरेको छ ।
आगामी बैठक असोज ४ गते सोमबार बिहान ११ बजे बस्ने गरी स्थगित भएको छ ।
