प्रदेशहब संवादाता
प्रगतिशील महिला समूह गजुरी-१ को तिज विशेष शुभकामना तथा दरखाने कार्यक्रम साथै साधारण सभा सप्पन्न भएको छ।
गजुरी गाउँपालिका वार्ड न.१ गजुरी फुडल्याण्डमा प्रगतिशील महिला समुहको आयोजनामा गजुरी गाउँपालिकाका अध्यक्ष गणेश लाल श्रेष्ठको आतिथ्यता, अतिथीहरु गजुरी वार्ड न्ं.१ का अध्यक्ष तारानाथ भण्डारी, पार्टी अध्यक्ष सुर्य तामाङ,वार्ड नं.६ का वार्ड अध्यक्ष भक्तबहादुर (कर्ण) तामाङ,६ नम्बर वार्डका पुर्व अध्यक्ष अर्जुन बहादुर भुजेल को अतिथि र समाजसेवीहरुको उपस्थितमा कार्यक्रम सम्पन्न भएको समुहका अध्यक्ष सुनिता पाण्डेले बताइन्।
कार्यक्रममा गजुरी गाउँ पालिका सरकारका प्रमुख गणेशलाल श्रेष्ठले गमलाको विरुवा जसरी नै प्रगतिशील महिला समुह मौलाउदै जाओस् भनेर शुभकामना राख्दै आफुले गाउँपालिका सरकारबाट गर्नु पर्ने सहयोग सधैं गर्दै जाने प्रतिबद्धता समेत राख्नु भएको समुहका अध्यक्ष पाण्डेले बताइन्।
तिज विशेष कार्यक्रममा शुभकामना साथै साधारण सभामा साना किसान सहकारी समुहका अध्यक्ष चेलिमाया तामाङ लगायत संस्थाहरुबाट सहभागी रहेका थिए।गजुरी प्रगतिशील महिला समुहलाई लेख देखि बेशी सम्मका गजुरी गाउँपालिका भरीका आमाहरुलाई समेटेर अघि बढ्ने प्रतिबद्धता कार्यक्रमका अतिथीबाट समेत आएको समुहका अध्यक्ष सुनिता पाण्डेले बताइन्।
