प्रदेशहब संवादाता
गजुरी गाउँपालिकाको आयोजनामा संविधान दिवस दीप प्रज्वलन गरि मनाइयो नेपालका विभिन्न ठाउँमा ८ औं संविधान दिवस भव्य रुपमा मनाइएको छ,जस अन्तर्गत गजुरी गाउँपालिकाको आयोजनामा संविधान दिवस दीप प्रज्वलन गरि संविधान दिवस मनाइएको छ ।
बुधबार साँझ गजुरी गाउँपालिकाको प्राङ्गणमा जम्मा भएर स्थानिय बासिहरु,विभिन्न राजनैतिक दल,अखिल क्रान्तिकारी गजुरीका विद्यार्थीहरुले कोणसभा गरि संविधान दिवस मनाएका हुन् ।
हजारौंको बलिदानले आएको संविधानलाई संस्थागत गरि सबैले पालना गरि प्रत्येक नेपाली नागरिकको हात हातमा नेपालको संविधान हुनुपर्नेमा गजुरी गाउँपालिका अध्यक्ष गणेश लाल श्रेष्ठले बताउनुभयो। उक्त कोणसभामा सभालाई गजुरी गाउँपालिकाका अध्यक्ष श्रेष्ठले सञ्चालन गरेका थिए।
कार्यक्रममा गजुरी गाउँपालिकाका उपाध्यक्ष सर्मिला बिशुराल,वार्ड नं.१,५,६,८ का अध्यक्ष तारानाथ भण्डारी ज्यू,गोविन्द लामिछाने ज्यू,भक्त बहादुर (कर्ण) तामाङ ज्यू,देवराज ओझा ज्यू,पार्टी अध्यक्ष सुर्य तामाङ ज्यू,आदर्श बहुमुखी क्याम्पस गजुरीका स्ववियु सभापति गणेश पाण्डे ज्यू लगायतको उपस्थितिमा दीप प्रज्वलन गरिएको गजुरी गाउँपालिकाका अध्यक्ष गणेश लाल श्रेष्ठले बताउनुभयो।
