प्रदेशहब संवादाता
आज ३३औँ अन्तर्राष्ट्रिय ज्येष्ठ नागरिक दिवस धादिङ गजुरीमा पनि मनाईएको छ । गजुरी गाउँपालिका महिला बाल बालिका तथा जेष्ठ नागरिक शाखाद्धारा आयोजित बृद्धा आमा बुवाहरुलाई सम्मान कार्यक्रममा गाउँपालिका अध्यक्ष गणेशलाल श्रेष्ठले दोसल्ला ओढाएर सम्मान गर्नुभयो ।
बृद्ध आमा बुवाहरु पुस्तक जस्तै हुने र उनीहरुको सबै कुरा सुन्ने, छलफल गर्ने कुरामा पछाडी पर्न नहुने अध्यक्ष श्रेष्ठले बताउनुभयो । ज्येष्ठ नागरिकले आफ्नो जीवनकालमा संगालेका ज्ञान, सीप र अनुभव नयाँ पुस्ताको लागि मार्गदर्शन हुने समेत उहाँले बताउनुभयो ।
कार्यक्रममा गाउँपालिका अध्यक्ष गणेश लाल श्रेष्ठ, उपाध्यक्ष शर्मिला बिसुराल, वडा नम्बर १ का वडा अध्यक्ष तारा नाथ भण्डारी, बृद्धआमा बुवा लगायतको उपस्थिती रहेकोथियो ।
सन् १९९१ देखि हरेक वर्ष अक्टोबर १ तारिखमा अन्तर्राष्ट्रिय ज्येष्ठ नागरिक दिवस मनाउने गरिन्छ । ज्येष्ठ नागरिकहरुलाई सम्मान र अधिकारमा पहुँच पुर्याउने उद्देश्यका साथ संयुक्त राष्ट्रसङ्घको आह्वानमा विश्वभर यो दिवस मनाउन थालिएको हो।
