प्रदेशहब संवादाता
‘भेप’मा सुन तस्करी प्रकरण : राहुल महरासहित ४ जनाविरुद्ध मुद्दा दर्ता हुँदै
काठमाडौं : सरकारी वकिलको कार्यालयले इलेक्ट्रिक चुरोट ‘भेप’मा लुकाएर सुन तस्करी गरेको घटनाको अनुसन्धान प्रतिवेदन अनुसार आज अदालतमा मुद्दा दर्ता गर्ने भएको छ।
प्रहरीको केन्द्रीय अनुशन्धान ब्युरो सीआइबीमै फिर्ता पठाएको अनुसन्धान प्रतिवेदन थप बयान लिएर हिजो आएकाले आज काठमाडौं जिल्ला अदालतमा मुद्दा दर्ता गर्ने सरकारी वकिलको कार्यालयले जनाएको छ।
गत शुक्रबार सीआईबीले सरकारी वकिल कार्यालयमा बुझाएको अनुसन्धान प्रतिवेदन निर्देशनसहित फिर्ता गरेको थियो। जिल्ला सरकारी वकिल कार्यालयका अनुसार राहुल महरासहितका प्रतिवादीलाई थप बयान गराउन निर्देशन गरेको र थप बयान लिएर पुन प्रतिवेदन हिजो फिर्ता आएको छ।
सीआईबीले पूर्व सभामुख कृष्ण बहादुर महराका छोरा राहुल महरासहित चार जनालाई प्रतिवादी बनाएर अदालतमा मुद्दा दायर गर्न सरकारी वकिललाई राय दिएर अनुसन्धान प्रतिवेदन बुझाएको छ।
