प्रदेशहब संवादाता
गजुरी । जिल्ला ट्राफिक कार्यालय गजुरिका कार्यालय प्रमुख रवीन्द्र कुमार श्रेष्ठले जन्मदिनको अवसरमा भद्रकाली गुरुकुल संस्कृत वेद विद्याश्रम तथा जेष्ठ नागरिक सेवा आश्रममा बिशेष भोजनको व्यवस्था गर्नुभएको छ । साथी भाई, पार्टी भनेर खर्च गरिने सानो पैसाले पनि कुनै ठाउँमा ठूलो भूमिका हुन्छ भन्ने महान् बिचार धाराले यो सानो काम गरेको उहाँको भनाई छ ।
धादिङका अब्बल ब्यक्तिका रुपमा स्थापित समाजसेवी तथा बुद्धीजिवी श्रेष्ठले आश्रितलाई केही मात्रामा भएपनी सहयोग गर्ने भावना जागेकाले आश्रममै जन्मदिन मनाएको बताए ।
जन्मदिनमा आश्रममा रहेका जेष्ठ आमाबुबालाई सेवा गर्न र भेटघाट गर्न पाउँदा निकै सुखी लागेको बताए । उहाँले जेष्ठ नागरिक तथा बाल बटुकहरुलाई सधैँ माया स्नेह र सम्मान ब्यवहार राखीराख्न आग्रह समेत गर्नुभयो ।
