प्रदेशहब संवादाता
गजुरी / जर्मनीमा कृषि विषय अध्ययन गर्न पठाउने सम्बन्धमा छलफल कार्यक्रम गल्छि बैरेनीमा सम्पन्न भएको छ । साना किसान कृषि सहकारी संस्था लिमिटेडमा आवद्द सदस्य परिवारका छोराछोरीहरुलाई जर्मनीमा पठाउने बिषयमा नेपाल कृषि सहकारी केन्द्रीय संघ लि र साना किसान विकास लघुवित्त वित्तीय संस्था लिको संयुक्त आयोजनामा परिचयात्मक कार्यक्रम सम्पन्न भएको हो ।
नेपाल कृषि सहकारी केन्द्रीय संघ लिका अध्यक्ष खेम बहादुर पाठक, महाप्रवन्धक रुद्र भट्टराई ,साना किसान विकास लघुवित्त वित्तीय संस्था लिका नायव प्रमुख कार्यकारी अधिकृत डा नवराज सिंखडा, पदाधीकारी श्रद्धा मैनाली र रवि चित्रकारले सहिजकरण गर्नु भएको थियो । उक्त कार्यक्रममा धादिङ, नुवाकोट र रसुवा जिल्लाका साना किसान कृषि सहकारी संस्थाका अध्यक्ष तथा प्रबन्धक गरी ५० जनाको सहभागिता रहेको थियो ।
