प्रदेशहब संवादाता
गजुरी । धादिङको गजुरी गाउँपालिका वडा नम्बर ६ का प्रत्येक टोल टोलमा पुगेर सामाजिक सुरक्षा भत्ता कार्ड बितरण गरिएको छ ।
समाजसेवी तथा वडा अध्यक्ष भक्त बहादुर तामाङको नेतृत्वमा उक्त वडाको भौगोलिक रूपमा कठिन तथा भत्ता कार्ड बनाउन वडासम्म पनि पुग्न नसक्ने आमा बुवाहरुको लागी यो कार्ड घरमै पुगेर बितरण गरिएको हो ।
भत्ता कार्ड लिन जाँनपनि पनि बृद्ध बाआमाहरुको लागी कठिन हुनेभन्दै सामाजिक सेवामा लागेका वडा अध्यक्ष तामाङले यो अभियान निरन्तर जारी रहने बताउनुभयो ।
भत्ता कार्ड वितरणमा असहज हुने अबस्थालाई मध्येनजर गर्दै यो अभियान चलाएको अध्यक्ष तामाङ बताउनुभयो । उहाँले बैंक सम्म भत्ता लिन जाँन समस्या पर्नेहरुका लागी पनि सुबिधा ल्याईने बताउनुभयो ।
