प्रदेशहब संवादाता
गजुरी गाउँपालिका वडा नं. ८ को पूर्व वडाध्यक्ष राजकुमार ढुंगानाले आफ्नो जन्मोत्सवको अवसरमा आज किराञ्चोकका विद्यार्थीलाई विद्यालय झोला वितरण गरेका छन् । ढुंगानाले गजुरी गाउँपालिका वडा नं.८ स्थीत किराञ्चोक माध्यमिक विद्यालयका कक्षा १ देखि ६ सम्मका १३० जना विद्यार्थीलाई विद्यालय झोला वितरण गरेका हुन् । लामो समयदेखि किराञ्चोकको शैक्षिक विकासमा महत्वपूर्ण भुमिका खेल्दै आएका ढुंगानाका अष्ट्रेलिया निवासी छोरा सुजन ढुंगानाको आर्थिक सहयोगमा वितरण गरेको विद्यालयकी प्रधानाध्यपक गीता पाण्डेले जानकारी दिनु भयो । किराञ्चोक माध्यमिक विद्यालयमा एक कार्यक्रमको आयोजना गरि विद्यार्थीहरुलाई झोला वितरण गरेको हो । गजुरी गाउँपालिका वडा नं. ८ का वडाध्यक्ष देवराज ओझाले पूर्व वडाध्यक्ष ढुंगानालाई जन्म दिनको शुभकामना व्यक्त गर्दै आगामी दिनमा पनि शिक्षा क्षेत्र सँगै समग्र वडाको विकासमा ठुलो भुमिका रहको र आगामी दिनमा पनि यस्तै सहयोगको अपेक्षा गरेको बताउनु भयो ।
विद्यार्थीहरुलाई झोला वितरण गर्दै ढुंगानाले विद्यार्थीहरुलाई यसले थप हौसला प्रदान गर्ने बताउनु भयो । झोलाको अभावमा हातमै किताव कापी बोकेर विद्यालय जानु पर्ने बाध्यता अब हटेको छ । ढुंगाना किराञ्चोक माध्यमिक विद्यालयका विद्यालय व्यवस्थापन समितिका अध्यक्ष समेत हुन् ।
