प्रदेशहब संवादाता
धादिङको सिद्धलेक गाउँपालिका स्थित सिद्धलेक (सिद्धबाबा मन्दिरमा) चौथो सिद्धलेक धार्मिक पर्यटन तथा साँस्कृतिक महोत्सव हुने भएको छ ।
सिद्धलेक ढेवाडाँडा समाज सिद्धलेक–२ को आयोजना तथा सिद्धलेक गाउँपालिकाको प्रायोजनमा महाशिवरात्री पर्वको अवसरमा आन्तरिक तथा वाह्य पर्यटन प्रवद्धन गर्ने उद्देश्यले आगामी फागुन २५ गते शुक्रबारका दिन चौथोे सिद्धलेक धार्मिक पर्यटन तथा साँस्कृतिक महोत्सव हुने भएको हो ।
महोत्सवमा राष्ट्रिय कलाकार चर्चित लोक गायक राम्जी खाँड, लोक गायीका सम्झना भण्डारी, र कुशल बेलबासे लगाएत स्थानीय कलाकारहरुको भव्य लोक सांस्कृतिक प्रस्तुति हुने भएको छ ।
