प्रदेशहब संवादाता
फागुन २२, काठमाडौँ । त्रिकोणात्मक अन्तर्राष्ट्रिय टी २० शृङ्खलाको उपाधिका लागि आयोजक नेपालले आज नेदरल्याण्ड्ससँग प्रतिस्पर्धा गर्दैछ। यो खेल बिहान ११:३० बजे शुरु हुने छ ।
कीर्तिपुरस्थित त्रिवि क्रिकेट मैदानमा भइरहेको शृड्खलाको उापधिका लागि नेपालले नेदरल्याण्ड्ससँग खेल्न लागेको हो । नामिबिया समेत सहभागी त्रिदेशीय त्रिकोणात्मक शृङ्खलामा नेपाल दोस्रो स्थानमा रहँदै फाइनलमा पुगेको हो ।
नेदरल्याण्ड्स अंक तालिकाको शीर्ष स्थानमा रहँदै फाइनलमा पुगेको हो । शृङ्खलाको शुरुका दुई खेल हारेको नेपालले अन्तिम दुई खेल जितेको थियो । दुई खेल जितेको नेदरल्याण्ड्स अन्तिम खेलमा नामिबियासँगको खेल बर्षाले रद्द भएर एक एक अंक बाँडेपछि शीर्षस्थानमा उक्लियो र नामिबिया पुछारमा रहँदै बाहिरियो । आज हुने फाइनल प्रतिस्पर्धाबाट टी-२० शृङ्खलाको विजेता छानिनेछ ।
