प्रदेशहब संवादाता
गजुरी । धादिङको गजुरी गाउँपालिका वडा नम्बर १ गजुरी बजारमा सवारी दुर्घटना हुँदा एक जनाको घटनास्थलमै निधन भएको छ भने एक जना गम्भिर घाईते भएका छन् । काठमाण्डौँबाट चितवनर्फ जाँदै गरेको ना ६ ख २९२० नम्बरको ट्रकले प्रदेश ३ ०२००६ प २५८७ नम्बरको मोटरसाईकललाई ठक्कर दिँदा मोटरसाईकलमा सवार सिद्धलेक गाउँपालिका वडा नम्बर ६, बर्ष १८ का शनि घलेको घटनास्थलमै मृत्यु भएको छ भने गजुरी गाउँपालिका वडा नम्बर १ सुन्दरगाउँ निवासि अन्दाजी बर्ष २० का सुविन सुनारलाई उपचारका लागी काठमाण्डौ लगीएको जिल्ला ट्राफिक प्रहरी कार्यालय गजुरीका प्रमुख रबिन्द्र कुमार श्रेष्ठले प्रदेश हवलाई जानकारी दिनुभयो ।
दुर्घटना पश्चात् केहि समय पृथ्वीराजमार्ग अबरुद्ध भएको थियो । ट्रक र बाईक आपसमा ठोक्किएर नालीमा पुगेका थिए । अहिले राजमार्गको अबस्थामा सामान्य रहेको प्रहरीले जनाएको छ ।
