प्रदेशहब संवादाता
गजुरी । धादिङ गजुरी गाउँपालिका वडा नम्बर १ स्थित छात्रबासमा उत्कृष्ट बिद्यार्थी, शिक्षक तथा बिद्यालयलाई सम्मान तथा पुरस्कार बितरण कार्यक्रम सम्पन्न भएको छ ।
गजुरी गाउँपालिका अध्यक्ष गणेशलाल श्रेष्ठको प्रमुख आतिथ्यतामा सम्पन्न कार्यक्रममा बिभिन्न बिद्यालयका बिद्यार्थी, शिक्षकहरुलाई सम्मान गरिएको हो । आधारभुत शिक्षा परिक्षा बिईई २०८० तथा स्तरमापन परिक्षा कक्ष ५ मा रहेका उत्कृष्ट ब्यक्तित्वहरुलाई पुरस्कार तथा सम्मान प्रदान गरिएको हो ।
बिद्यार्थी तथा शिक्षकहरुको मनोवल उच्च बनाउने उदेश्यले गाउँपालिकाले यो सम्मान तथा पुरस्कार बितरण आयोजना गरिएको पालिका अध्यक्ष गणेशलाल श्रेष्ठले जानकारी दिनुभयो । उहाँले गजुरी गाउँपालिकाका बिद्यालयहरुलाई आवासिय माध्यममा जाने बताउनुभयो । शिक्षा क्षेत्रलाई सुधार गर्नको लागी गजुरी गाउँपालिकाले धेरै लगानी गरेको बताउनुयो । उहाँले अब शिक्षाको सुधारमा एक जनाले मात्र सम्भव नभएको र सबै परिवर्तनमा लाग्नुपर्ने बताउनुभयो ।
फरक प्रसंगमा उहाँले पालिकाको बजेट आउँन अझै करिव एक महिना बाँकी रहदा कृषिमा बिषेश जोड दिने बताउनुभयो । कृषिको लागी अब्बल बनाउँदै गजुरी गाउापालिका समृद्ध बनाउन लागीपर्ने कुरामा जोडदिनुभयो ।
