प्रदेशहब संवादातागजुरी । धादिङ गजुरी गाउँपालिका घाटबेशीबाट हिजो देखि हराईरहेका दुई बालक मध्ये एक जनाको शव भेटिएको छ । हिजो बेलुका अबेरसम्म पनि घर नआएपछि राती नै खोजी गर्दा उनीहरुले लगाएको लुगा र जुत्ता भेटिएको थियो । आज बिहानबाट गोताखोरको टोलीले त्रिशुली नदिमा खोजि गर्दा हराइ रहेका २ जना बालकहरु मध्ये बर्ष १४ का युनिक सुबेदीको शव भेटिएको छ ।
चप्पल तथा लुगा फुकालेकै ठाउँमा सब भेटिएको प्रहरीले जनाएको छ । बिपद् ब्यबस्थापन तालिम शिक्षालय कुरिनटारको गोताखोर टोलिले सब निकालेको हो । अर्का हराइरहेका बालक रिदम रोइलाको भने खोजी कार्य भैरहेको छ ।
