प्रदेशहब संवादातागजुरी । गजुरी गाउँपालिकाभित्रका बिभिन्न बिकास निर्माणका कामहरु समयमै सम्पन्न गर्ने निर्माण ब्यबसायिहरुलाई सम्मान गरिएको छ । गजुरी गाउँपालिका छात्रबासमा सम्पन्न भएको सम्मान कार्यक्रममा गाउँपालिका अध्यक्ष गणेलाल श्रेष्ठको प्रमुख आतितथ्यता रहेको थियो । बिशेष अतिथीमा उपाध्यक्ष शर्मिला बिसुराल तथा प्रमुख प्रसासकिय अधिकृत राजु अधिकारी रहनुभएको थियो ।
बिकास निर्माणका क्षेत्रमा काम गर्ने ब्यक्तित्वहरुलाई सानो सम्मानले पछिल्ला दिनहरुमा थप हौसला प्रदान हुने कुरामा जोड दिँदै यो सम्मान कार्यक्रम गरिएको अध्यक्ष गणेशलाल श्रेष्ठले जानकारी दिनुभयो ।
सम्मानित हुने निर्मांण कम्पनीहरु १० वटा रहेका थिए ।
गजुरी गाउँपालिका अध्यक्ष गणेशलाल श्रेष्ठले भन्नुभयो, ‘हामीले राम्रो काम गर्ने निर्माण व्यवसायीलाई सम्मान गरेका छौं। यसले राम्रो काम गर्ने व्यवसायीलाई काम गर्न थप ऊर्जा मिल्नेछ ।’ सडकलाई गुणस्तरीय तवरबाट समयमा सम्पन्न गराउन गाउँपालिकाका प्राविधिक तथा इञ्जिनीयरले नियमित अनुगमन तथा आवश्यक सहयोग पुर्याइरहेको छ ।
पालिकाको सम्मानले आफूलाई काम गर्ने थप ऊर्जा मिलेको सन्तानेश्वर कस्ट्रक्सनका सञ्चालक सन्तोष अधिकारीले बताउनुभयो । स्थानीयवासी, गाउँपालिकाका कर्मचारीलगायतको सहयोगमा समयमै काम सम्पन्न गर्न सफल भएको उहाँको भनाइ छ ।
यसका साथै गजुरी गाउँपालिकाको आर्थिक वर्ष २०८०, ८१ को वार्षिक समिक्षा कार्यक्रम सम्पन्न भएको छ । समिक्षा कार्यक्रममा आर्थिक बर्ष २०७८०, ८१ मा गाउँपालिकाको निति कार्यक्रम,बजेट विवरण,आयोजनाको प्रगती, उपलब्धी, सिकाई र यस आर्थिक बर्षमा सन्चालन गरिने कार्यक्रमका विषयमा जानकारी गराईएको थियो ।
