प्रदेशहब संवादाता
गजुरी । राष्ट्रपति रनिङशिल्ड गजुरी गाउँपालिकास्तरीय प्रतियोगिता २०८० आजबाट सुरु भएको छ । पालिस्तरीय प्रतियोगीतामा आधारभुत तह तथा माध्यमिक तहका विद्यार्थीहरुले विभिन्न कार्यक्रममा भाग लिएका छन् । प्रतियोगिताको उद्घाटन समारोहमा विभिन्न विद्यालयका विद्यार्थीहरुले विभिन्न प्रस्तुति दिएका थिए ।
स्वास्थ्यको लागि खेलकुद, राष्ट्रको लागि खेलकुद भन्ने मुल नाराका साथ गजुरी गाउँपालिकाद्वारा आयोजित तेस्रो राष्ट्रपति रनिङ शिल्ड खेलकुद प्रतियोगिताको समुद्घघाटन गजुरी गाउँपालिकाका कार्यवाहक अध्यक्ष तथा गाउँपालिका उपाध्यक्ष शर्मिला बिसुरालले गर्नुभयो ।
उहाँले खेल जिवनले धेरै कुरामा सिकाई उपलब्धता दिने बताउनुभयो । हरेका बर्ष हुँदै आएको यो प्रतियोगीताले अझ बढी आत्मबल तथा आँट बढेर आउने कुरामा पनि उहाँको जोड थियो ।
कार्यक्रममा बिभिन्न किसिमका खेलकुदहरु भएका छन् । रनिङशिल्ड प्रतियोगीतामा भलिबल, कबड्डि र एथलेटिक्स, हाईजम्प, लङजम्प,सर्टपुट,पिटी लगायतका खेलहरु भएको स्ववियुसभापति गणेश पाण्डेले बताउनुभयो । प्रतियोगीता तीन दिनसम्म सञ्चालन हुनेछ ।
