प्रदेशहब संवादाता
धादिङ असोज ११ । धादिङको नीलकण्ठ नगरपालिका साविकको मुरलीभञ्ज्याङ स्थित पौवा खाल्टोमा ट्रयाक्टर दुर्घटना हुँदा १० जना घाइते भएका छन् ।
शनिबार बिहान भएको उक्त दुर्घटनामा परेका घाइते मध्ये ३ जनाको अवस्था अत्यन्तै गम्भीर रहेको प्रहरीले जनाएको छ ।
ज्यामिरेबाट टारीबेसीतर्फ जाँदै गरेको ना ६ त २७८० नम्बरको ट्रयाक्टर तिव्र गतिका कारण अनियन्त्रित भइ मोड काट्न नसकेकाले दुर्घटना भएको घाइते हरि बहादुर शाहीले बताए ।
गम्भीर घाइते हुनेहरुमा जाजरकोट जिल्ला देडागाढ नगरपालिकाका कर्ण बहादुर चदरा, जय बहादुर चदरा र कृष्ण बहादुर राउत रहेका छन् । घाइतेहरु सबै धादिङबेसी आरुघाट सडकमा काम गर्नको लागि जाजरकोटबाट धादिङ आएका हुन् ।
अन्य घाइतेहरुमा हरि बहादुर शाही, कर्ण बहादुर शाही, तेज बहादुर राउत, मेन बहादुर शाही, पूर्ण बहादुर डाँगी लगायतका रहेका छन् । ट्रयाक्टर चालक बर्दियाका सञ्जय चौधरी रहेका छन् । दुर्घटनामा परी घाइते भएकाहरुलाई जिल्ला अस्पताल धादिङ ल्याइएको छ । साभार : धादिङ पोष्टबाट ।
