प्रदेशहब संवादाता
गजुरी । गजुरी गाउँपालिका वडा नम्वर ६ मा वडा स्तरीय युवा क्लव गठन गरिएको छ । वडा अध्यक्ष कर्ण तामाङको उपस्थितीमा सम्पन्न युवाहरुको भेलाले रबिन भुजेलको अध्यक्षतामा युवा क्लव गठन गरेको हो ।
क्लवको उपाध्यक्षमा बसन्त अधिकारी, सचीवमा प्रमिला अधिकारी, कोषाध्यक्ष सुवास मिजारको समुह गठन गरिएको हो । समुहका सदस्यहरुमा रचना घिमिरे,सन्जिता बरई मगर, रेस्मा ग्यामी मगर,बिष्ण अधिकारी, कृष्टिना चेपाङ,रन्जना ग्यामी मगर,अनिता कगर,अनिश सुवेदी, रनिशा सुनार,दिनेश भुजेल, कमल बिक, रुपक अधिकारी चयन भएका छन् । वडाका सवै टोलका युवालाई समेटेर युवा क्लव गठन गरिएको अध्यक्ष तामाङले बताउनुभयो ।
कार्यक्रममा वडा अध्यक्ष कर्ण तामाङले समाज परिवर्तनमा युवाहरूको अतुलनीय योगदान रहने बताउनुभयो । उहाँले विकास निर्माण सँगसँगै विभिन्न कार्यक्रममा युवाहरूको सहभागीताले थप टेवा पुग्ने विश्वास व्यक्त गर्नुभयो ।
