प्रदेशहब संवादाता
जेठ ९, काठमाडौँ । नेकपा माओवादी केन्द्रको अध्यक्षसमेत रहेका प्रधानमन्त्री पुष्पकमल दाहाल प्रचण्डले कान्तिपुर मिडिया ग्रुपका अध्यक्ष कैलाश सिरोहिया निर्दोश भएकाले सजिलोसँग छुट्ने बताएका छन् । हिमाल, मानिस र जलवायुसम्बन्धी विज्ञहरूको अन्तर्राष्ट्रिय संवाद कार्यक्रमपछि पत्रकारहरूसँग चन्द्रागिरीमा कुरा गर्दै प्रधानमन्त्री प्रचण्डले यस्तो बताएका हुन् ।
पत्रकारहरूले उपप्रधानमन्त्रीसमेत रहेका गृहमन्त्री रवि लामिछानेले रिसिइबी साँधेको भन्ने प्रश्नमा प्रधानमन्त्री प्रचण्डले भने मान्छेले बढी कुरा गरेका हुन् । बढी होहल्ला गर्न जरूरी छैन । उहाँसँग के को रिसिइबी हो र ?
नागरिकता प्रकरणमा जिल्ला अदालत धनुषाको अनुमतिले सिरोहियाविरूद्ध धनुषा प्रहरीले मंगलबार नै पक्राउ पुर्जी जारी गरेको थियो ।
कान्तिपुरले केहि समय अघिदेखि सहकारी प्रकरणमा गृहमन्त्री लामिछानेको संलग्नताबारे निरन्तर समाचार प्रकाशित गर्दै आएको थियो ।
