प्रदेशहब संवादाता
कोरोनाको संक्रमण देखि निको भएका तीन जनामा पुनः पोजेटिभ देखिएको छ । काठमाडौं सनसिटीका ५८ वर्षीय पुरुषमा फेरिकोरोना संक्रमण पोजेटिभ देखिएको स्वास्थ्य तथा जनसंख्या मन्त्रालयले जनाएको छ ।
११ दिनअघि निको भएर अस्पतालबाट घर फर्केका ती पुरुषमा फलोअपका क्रममा पुनः परीक्षण गर्दा पोजेटिभ देखिएको हो । उनको नमुनाको परीक्षण राष्ट्रिय जनस्वास्थ्य प्रयोगशालामा गरिएको हो।
त्यसैगरी वीरगन्जबाट निको भएर फर्किएका दुईजनामा पनि फेरि संक्रमण देखिएको मन्त्रालयले जनाएको छ । उनीहरुको पहिलो परीक्षण राष्ट्रिय जनस्वास्थ्य प्रयोगशाला र पछिल्लो परीक्षण स्थानीय प्रयोगशालामा भएको थियो । निको भइसकेका तीनजनामा फलोअप परीक्षणका क्रममा पोजेटिभ देखिनु आश्चर्यको विषय भएको छ।
