प्रदेशहब संवादाता
काठमाडौँ । नेकपा एमालेका महासचिव ईश्वर पोखरेलले बाटो बिराएकालाई पार्टीमा फर्केर क्रियाशील हुन आह्वान गरेका छन् ।
एमाले दोलखा काठमाडौँ सम्पर्क मञ्चले शनिबार काठमाडौँमा गरेको भेलामा महासचिव पोखरेलले एमालेलाई नयाँ ढंगले अघि बढाइने भन्दै बाटो बिराएकालाई पार्टीमा फर्केर क्रियाशील हुन आह्वान गरेका हुन् ।
उनले एमालेले मुलुभर नै २०७५ जेष्ठ २ गते अघिकै आधारमा पार्टीलाई एकीकृत गर्दै अघि बढने र अन्य दलबाट आएकाहरुलाई उचित स्थान दिइने स्पष्ट पारे । उनले एमाले एकता चाहने पार्टी भएको भन्दै दुई/चार जना चोइटिएर जाँदैमा कुनै फरक नपर्ने जिकिर गरे ।
पोखरेलले विभाजनमा जाने माधव नेपालको कदम दुर्भाग्य रहेको बताए । उनले पार्टी सदस्यता विस्तार गरी पार्टी निर्माणतर्फ लाग्न आग्रह पनि गरे ।
कार्यक्रममा दोलखा–काठमाडौँ सम्पर्क मञ्चका पदाधिकारीलाई शपथ ग्रहण गराइएको थियो ।
