प्रदेशहब संवादाता
काठमाण्डौँ । गोरखाको शहीद लखन गाउँपालिकामा भएको ट्रयाक्टर दुर्घटनामा एक जनाको ज्यान गएको छ । सिलिङबाट दोभानतर्फ ढुङ्गा बोकेर आउँदै गरेको ध १ त १२५ नम्बरको ट्रयाक्टर अनियन्त्रित भइ सडकबाट करिब एक सय मिटर तल खसेर दुर्घटना भएको जिल्ला ट्राफिक प्रहरी कार्यालयले जनाएको छ ।
दुर्घटनामा शहीद लखन गाउँपालिका–३ बस्ने २९ वर्षीय पदम थापामगरको ज्यान गएको ट्राफिक प्रहरी प्रमुख प्रहरी वरिष्ठ नायब निरीक्षक शिवप्रसाद पाठकले बताउनुभयो । शनिवार बिहान १० बजेतिर भएको दुर्घटनामा गम्भीर घाइते भएका थापामगरको उपचारका क्रममा चितवन मेडिकल कलेजमा ज्या गएको उहाँँले जानकारी दिनुभयो ।
दुर्घटनामा ट्रयाक्टर चालक गोरखा नगरपालिका–१३ बस्ने ३५ वर्षीय विश्वास गुरुङ, तनहुँ आँबुखैरेनी–३ बस्ने २२ वर्षीय प्रदीप अर्याल र बहिद लखन–३ बस्ने २६ वर्षीय रामबहादुर आले सामान्य घाइते हुनुभएको छ । ट्रयाक्टर चालक गुरुङलाई प्रहरीले नियन्त्रणमा लिएको छ ।
